Afleiðingar jólahlaðborðs..
Ég ákvað að henda í aðra færslu og sýna ykkur ástandið á mér við að fara á jólahlaðborð þegar svefninn hefur verið erfiður í rúmar 5 vikur vegna fótbrots og flensu... gigtin elskar þegar hreyfing og mataræði er ekki 100% þá byrjar hún að láta ljós sitt skína.
Við fórum á jólahlaðborð með vinnunni hans Óskars á laugardaginn.
Við komum í bæinn klukkan þrjú til að fara í afmæli með systkinum hans Nemó áttum yndislega stund. Hentumst svo með Nemó í pössun til mömmu og pabba. Skutumst á gistiheimilið sem við vorum á og skiptum um föt. Vorum svo mætt svona 20 mínotur í sex þar sem hlaðborðið var til að stilla upp og græja því Óskar er í skemmtinefnd. Vorum á jólahlaðborði að ganga tólf en í aðalréttinum var ég búin á því og ég man lítið eftir það. Komum á gistiheimilið og ég gat ekki sofnað.. ég var komin yfir þröskuldinn og gigtin komin á fullt.
Daginn eftir kíktum við í kaffi til mömmu og pabba, hentumst svo í Ikea og vorum komin heim um eitt leytið. Ég beint upp í rúm.. síðan ætla ég að leyfa myndunum að segja rest.
16:42
búin að dotta en vakna við það minnsta henti mér í sturtu til að minnka verki.
Andlega hliðin : mjög góð, dagurinn í gær gerði mikið
19:21
skreið upp í sófa Óskar er að elda, úthald ekkert og matarlist lítil.
Andlega hliðin: ágæt þangað til við horfðum á Landann og fjallað var um ófrjósemi og ég fór að hugsa um öll okkar mál. Alltaf viðkvæmari andlega þegar ég er svona orkulaus
21:32
komin úr pottinum, drekka vítamín og magnesíum. Tók öll lyfin strax í von um að sofna snemma.
Andlega hliðin: öll að koma til þökk sé þessum gullmola sem ég bý með
23:56
ekki enn sofnuð... verkir miklir og dotta í 10 mín í mestalagi.
Andlega hliðin: fín, veit að ef hausinn bregst þá hrinur allt
00:33
ennþá vakandi og verkir versnandi..
Andlega hliðin: sé ekki eftir neinu en þreytt á að þurfa að líða svona
01:07
matur svo ég geti tekið næstu verkjalyf
Andlega hliðin: mikil gleði í hjartanu mínu eftir gott kvöld
01:24
öll brögðin í bókinni notuð til að ég sofni
Andlega hliðin: góð
09:52
vaknaði með hálsríg því eina þægilega stillingin í nótt var ekki að skila sínu til lengri tíma
Andlega hliðin: vonsvikinn að vera á þessum stað fyrir að eiga smá "venjulegt" líf
13:19
nýkomin úr sturtu við verkjum og ný vöknuð aftur, matur og verkjalyf
Andlega hliðin: nokkuð stöðug en viss um að gera mér þetta ekki aftur, mun nota skinnsemi þessi jól
14:03
aftur upp í rúm að sofa
Andlega hliðin: stöðug
17:52
farin á fætur að gera jólagjafalista
Andlega hliðin: þakklát
19:38
gera það sem lætur mér líða vel, maski og kertaljós meðan ég drekk vítamín og magnesíum(drekk nokkrum sinnum á dag þessa blöndu þegar ég er með flensu og þarf að rífa ónæmiskerfið upp)
Andlega hliðin: mjög hress
20:54
búin að panta allar jólagjafir
Andlega hliðin: létt að hafa farið skinnsömu leiðina og hlustað á líkamann í dag
21:43
heimilið hreint, búin að gera allt til að ég sofi vel og bind vonir á að sofna fljótt
Andlega hliðin: góð
21:53
smá á náladýnuna mína til að minnka verki með kerti og kúri
Andlega hliðin: þakklát og hamingjusöm
00:03
ekki enn sofnuð... dotta í 10 mínotur en vakna við það minnsta
Andlega hliðin: reynslunni ríkari og nenni þessum pakka ekki aftur í desember
01:00
hérna er ennþá stuð
Andlega hliðin: allt í góðu
Ég endaði svo með að sofna um 2 leytið og í dag að verða viku seinna er ég ekki enn búin að vinna upp orkuna.
ég vona að þetta bæti skilning þinn á lífinu mínu ef ég fer yfir strikið.
Andlega getur allt farið í klessu líka og þessvegna skiptir máli að spurja sjálfan sig reglulega hvort þér sé illt í sálinni eða líkamanum því þeir sársaukar eru jafn mikilvægir og þarf að vinna strax á.
ég meina ekkert illt með að stoppa stutt við ég er bara að passa að fara ekki yfir þröskuldinn minn því trúðu mér þetta tekur upp undir viku að komast yfir versta hjallann.. stundum lengur.
Viltu ekki segja við mig "ertu að fara heim strax" " en þú varst að koma"
Mér líður nógu illa, ekki koma með neikvæð komment knúsaðu mig bless og þakkaðu góðar stundir.
ég veit að ég er ekki ein í svona málum svo þessi jól skulum við ekki segja hluti í hugsunarleysi.